"მშვიდად არ თამაშობს, მუდამ ზედმეტ მოძრაობას აკეთებდა" - რას წერს იტალიური პრესა ხვიჩა კვარაცხელიაზე
ჩემპიონთა ლიგის ჯგუფური ეტაპის ბოლო ტურში "ნაპოლიმ" "ბრაგა" 2:0 დაამარცხა და მერვედფინალში გავიდა. იტალიური პრესა ხვიჩა კვარაცხელიას თამაშს გამოეხმაურა. გთავაზობთ მათ შეფასებებს: "მშვიდად არ თამაშობს, მუდამ ზედმეტ მოძრაობას აკეთებს, რასაც შედეგი არ მოაქვს", - Tuttomercatoweb-ი. "ჯერ კიდევ ვერ ვხედავთ ძველებურ "კვარას". მიუხედავად ამისა, მონდომებული იყო, გოლის გატანის შანსიც ჰქონდა, თუმცა მეკარეს ვერ აჯობა" - Calcionapoli. "იუვენტუსთან" დაშვებული გადამწყვეტი შეცდომის მიუხედავად, მატჩი მაინც შეუცვლელად ჩაატარა. საკუთარი თავი ჩემპიონთა ლიგის საღამოზეც ვერ წარმოაჩინა, აგრძელებდა დრიბლინგებს, რომლებიც არ გამოსდიოდა", - Calciomercato. "მუდამ ერთი მოძრაობით მეტს აკეთებდა, კარგი თამაში არ ჰქონია. მის ფიზიკურ მდგომარეობას იდეალურს ვერ ვუწოდებთ. უნდა ითქვას ისიც, რომ თამაში მუდამ ორმაგი მეურვეობის ქვეშ უწევდა", - Eurosport-ი.
დამატებულია: 13 დეკემბერი 2023 13:09